(Madrid) 13 Feb 2018 Tababaraha Real Madrid ayaa qabtay shirka jaraa’id ee ka hor kulanka kooxdiisu ay marti qaadi doonto habeen dambe PSG.
Zinedine Zidane ayaa ku bilaabay shirkiisa jaraa’id kulanka PSG, wuxuuna yiri:
“Kulamada bug baxa waa kuwo ku tiirsan 180 daqiiqo, waxa muhiimka ah haatan waa inaan xooga saarno kaliya kulanka barri, si dhab ah ayaan u shaqaynaynaa, waajib naguma ahan inaan dadka wax u cadayno, waa inaan ciyaarnaa kulan wayn oo kaliya”.
“Aad ayaan ugu faraxsanahay inaan tababare ka ahaado kulamadaas oo kale, wax cadaadis ah ma dareemayo, waxaan doonayaa kaliya inaan ku raaxaysto, sifiican ayaan ugu diyaar garownay kulanka, mana jiro cadaadis na saaran”.
Zidane ayaa ka hadlay mustaqbalkiisa Real Madrid, wuxuuna yiri:
“Kama fikirayo mustaqbalkeyga, kaliya kulanka barri ayaan ka fikirayaa, waxaan doonayaa inaan si fiican u ciyaarno, mana doonayo inaan ka fikiro mustaqbalkeyga kooxda”.
“Kulanka barri ee Real Madrid iyo PSG ma ahan kulan u dhexeeya Ronaldo iyo Neymar, waan garanaynaa wax tarka Neymar, waana ognahay inuu yahay laacib fiican”.
“Neymar waa laacib leh tilmaamo cajiib ah, waxa uu ku samaynayo gudaha garoonka ayaa ka dhigaya inaad ku darto ciyaartoyda fiican, dhamaan kooxaha waxay doonayaan inay soo iibsadaan isaga oo kale”.
Zidane ayaa ka hadlay orinta taageerayaashu ay ku oriyeen Benzema kulankii Real Sociedad, wuxuuna yiri:
“Waxa kaliya ee aan ka doonayno taageerayaasha Real Madrid waa inay ku faanaan kooxda”.
Gool FM