(Europe) 14 Feb 2018. Neymar ayaa bixiyay digniin ah in si dhab ah loo qaato kooxaha soo koraya ee PSG iyo Manchester City.
Xiddiga reer Brazil ayaa sheegay in kooxdiisa iyo kooxda Pep Guardiola aysan lahayn Taariikh fog balse ay Qabaan baahi ah inay cagta mariyaan kooxaha faca wayn isla markaana ay abuuraan Taariikh.
PSG ayaa caawa Bernabue kula ciyaari doonta Real Madrid lugta hore ee wareega 16 ka Champions League iyadoo uu Neymar doonayo inuu kulankan ku caddeeyo inuu yahay laacib jooga heerka Ronaldo iyo Messi.
“Waxaan aaminsanahay in innaga iyo Man City ay u baahan yihiin in si dhab ah loo qaato,” Neymar ayaa sidaa yiri.
“Waxaa jira meelo ay isaga eg yihiin PSG iyo Manchester City, waxaa laga yaabaa inaysan lahayn Taariikhda ay kooxaha kale ku leeyihiin Champions League, Laakiin labaduba waxay leeyihiin Mashruuc leh hami inay ku guuleystaan isla markaana ay abuuraan taariikh.
“Waxaa jira kooxaha sida Real Madrid, Barcelona, Bayern Munich oo Taariikh hodan ah ku leh tartankan waxayna noqon doonaan kuwa ugu cad cad ee sanadkan.”.
Gool FM.