(Madrid) 15 Feb 2018 Laacibka reer Brazil ee Neymar ayaa ka hadlay inuu ka tagayo kooxdiisa PSG iyo waliba inuu ku biirayo kooxda Real Madrid.
Neymar ayaa sheegay inuu heshiis kula jiro PSG isla markaana wuxuu cadeeyay inuu aad ugu faraxsanyahay kooxdiisa oo uu doonayo inuu taariikh ku sameeyo.
26 jirkaan oo ka hadlay kulanka lugta labaad ayaa sheegay in arinku uu adagyahay balse kooxdiisu ay awoodo inay dhanka kale u rogto natiijadii 3-1 ee xalay looga soo adkaaday.
“Heshiis ayaan kula jiraa PSG, waan ku faraxasnahay halkaan, mana ku fikirayo wax aan ka ahayn inaan taariikh ku sameeyo kooxdaan” ayuu yiri Neymar ciyaarta kadib.
“Xaalku waa adagyahay laakiin wax walba waa suurogal, shax xoogan ayaan haysanaa oo awooda inay dhanka kale u rogto natiijada kulanka lugta labaad”.
Gool FM