(PARIS) 15 Feb 2018 Xiddiga ugu qaalisan adduunka ayaa runta u sheegay maamulka kooxdiisa kadib markii xalay ay 3-1 uga adkaatay Real Madrid.
Neymar ayaa shaki ka muujiyay in PSG ay sanadkaan ku guulaysan karto koobka horyaalada yurub, wuxuuna rumaysanyahay in koobkaan ay qaadi karto kaliya kooxdii haysata Lionel Messi.
Wuxuu sheegay in kooxdiisu aysan lahayn khibrad ku filan oo ka caawin karta inay ku guulaysato Champions League xiliciyaareed kaan.
“Kadib qaab ciyaareed kaas oo kale ah (Guul daradii xalay), waa wax iska cad in aanaan haysan khibrad nagu filan si aan ugu guulaysano Champions League” ayuu yiri Neymar.
“Waqtigaygii Barcelona, Messi ayaan la qaaday Champions League, ma waxaad iga filaysaan in haatan kaligeey aan qaado? waa suurogal mustaqbalka inaan qaadno haddii aan halkaan keeno Messi” ayuu sii raaciyay.
Gool FM