(Paris) 16 Feb 2018 Neymar ayaa si wayn uga carooday tababarihiisa reer Spain ee Unai Emery kadib guul daradii ka soo gaartay habeen hore kooxda Real Madrid.
Xiddiga reer Brazil ayaa ka caraysan shaxdii uu tababare Unai Emery kala hortagay Real Madrid oo uu garanayo inay tahay koox awood badan.
Shabakada Don Balon ayaa daaha ka qaaday in Neymar uu ka carooday go’aankii looga soo tagay saaxiibkiis Thiago Silva oo uu dareensanaa inuu khibradiisa isaga difaaci lahaa weerarka Real Madrid.
Neymar oo si gooni ah ula hadlay Marco Verratti iyo Edinson Cavani ayaa ka codsaday inay qaab ciyaareed fiican soo bandhigaan kulanka lugta labaad si loo badbaadiyo rajada kooxda.
Gool FM