(Paris) 16 Feb 2018 Aabaha dhalay Neymar oo ah wakiilkiisa ayaa difaacay wiilkiisa kadib markii lagu eedeeyay masuuliyada guul daradii PSG ka soo gaartay Real Madrid.
Neymar aabihiis ayaa sheegay in marka dagaal la galo loo kala qaybsamo koox guulaysatay iyo koox guul daraysatay balse waxaa jira shimbirka gorgorka kaas oo cuna maydadka kooxdii guul daraysatay.
Dadka eedeynaya wiilkiisa ayuu ku tilmaamay inay la midyihiin Gorgorka cuna maydadka, wuxuuna intaa ku daray in wiilkiisu uu ka fogaan doono ka hor inta aysan cunin.
“Waqtiga dagaalka, waxaa jira mid guul qaata iyo kuwo la mid ah Gorgorka kuwaas oo cuna maydadka kuwii laga adkaaday” ayuu Neymar aabihiis ku soo qoray Bartiisa Instagram-ka.
“Wiilkeygu waa uu dagaalami jiray tan iyo markii uu yaraa, marwalba si nadiif ah ayuu u dagaalami jiray, waa uu ka fogaan doonaa Gorgorada, wuuna soo laaban doonaa isaga oo awood leh”.
Gool FM