(Paris) 16 Feb 2018 Tababaraha kooxda PSG ee Unai Emery ayaa rumaysan in kooxdiisu ay reebi doonto Real Madrid marka ay garoonkooda ku marti qaadaan kulanka lugta labaad.
Real Madrid ayaa 3-1 guul daro ah dhabarka u saarisay PSG oo marti u ahayd arbacadii, balse tababare Unai Emery ayaa wali ku kalsoon inay reebi karaan kooxda tababare Zidane.
Unai Emery ayaa tusaale u soo qaatay in garoonkooda ay 3-0 uga adkaadeen Bayern Munich isla markaana 4-0 ay ku garaaceen Barcelona.
Ka hor kulanka ay soo dhawayn doonaan habeen dambe kooxda Strasbourg, ayuu yiri tababare Unai Emery:
“Dhamaan kulamadii aan ku ciyaarnay garoonkeena waan guulaysanay xiliciyaareed kaan, sidoo kale Bayern Munich ayaan 3-0 uga adkaanay halka Barcelona aan 4-0 uga adkaanay”.
“Natiijadaas oo kale ayaan ku fikirayaa, waana ku kalsoonahay in kooxdu ay sugi doonto qiimaheeda isla markaana ay ka gudbi doonto Real Madrid”.
Gool FM