(Paris) 18 Feb 2018 Kabtanka kooxda PSG ee Thiago Silva ayaa bilaabay inuu ka dhaadhiciyo maamulka kooxdiisa sidii loo cayrin lahaa Unai Emery.
Tababaraha reer Spain ayaa dusha loo saariyay masuuliyada guul daradii PSG ka soo gaartay Real Madrid kulankii lugta hore kadib markii uu keydka ku cabay Thiago Silva.
Shabakada Don Balon ayaa daaha ka qaaday in Thiago Silva uu ka dhaadhicanayo maamulka PSG sidii ay tababare ugu magacaabi lahaayeen tababaraha haatan ee xulka Brazil kaas oo ka tagaya xulka kadib koobka adduunka.
Thiago Silva ayaa u arka tababare Tite mid ku haboon shaqada kooxda PSG isla markaana ku guulaysan kara in Neymar uu ka dhaadhiciyo sii joogida kooxda reer France.
Maamulka PSG ayaa la filayaa inay cayriyaan Unai Emery dhamaadka xiliciyaareed kaan haddii uu ku guul daraysto inuu kooxda u qaado Champions League.
Gool FM