(Paris) 24 Feb 2018 Halyeeyga reer Brazil ee Pele ayaa amaanay xiddiga kooxda PSG ee Neymar kaas oo Faransiiska ku soo bandhigaya qaab ciyaareed aad u wanaagsan.
Pele ayaa rumaysan in Neymar uu ku heer yahay Lionel Messi iyo Cristiano Ronaldo, balse wuxuu cadeeyay in xiddiga reer Brazil uu labada kale uga fiicanyahay dhanka xirfada.
77 jirkaan ayaa amaanay qaab ciyaareedka Neymar, wuxuuna sheegay in haatan uu hormar badan ka sameeyay hab ciyaareedkiisa.
“Cristiano Ronaldo iyo Lionel Messi oo lagu daray Neymar, seddexdaas ayaa ah ciyaartoyda ugu fiican adduunka waqtigaan” ayuu yiri Pele.
“Laakiin Neymar ayaa labada kale ka sareeya marka laga hadlo dhanka xirfada, wuxuu leeyahay xirfad aan caadi ahayn”.
“Neymar haatan wuxuu leeyahay qaab ciyaareed cajiib ah, markii hore kaligiis ayaa ciyaari jiray, balse haatan isbadal ayuu ku sameeyay qaab ciyaareedkiisa PSG iyo xulkiisaba”.
Gool FM