(Paris) 14 Abriil 2016.Go’aanki Karim Benzema looga reebay xulka France ku matali doona Euro 2016 xagaagan ayaa soo dhoweyn balaaran ka helay jamaahiirta Faransiiska.
L’Equipe xog uruurin ay sameysay kaddib warkii ay soo saareen xiriirka kubadda cagta France ee ahaa go’aankii laga qaatay weeraryahanka Real Madrid ayey ku sheegtay in 67% ay aqbaleen go’aanka xiriirka
Cod bixinta waxaa ka qeyb galay 5,000 oo taageere 33% waxa ay door bideen in Benzema lagu daro safka Les Bleus ee Euro 2016.
Arbacadii xiriirka kubadda cagta France waxa ay soo saareen warbixin ay ku magacaabin yihiin madaxweynaha FFF Noël Le Graët iyo tababaraha France Didier Deschamps, waxa ay uga hadleen in ay weeraryahanka Real ka saareen tartanka. Benzema waxaa ganaxay xiriirka FFF bishii Oktober sababao la xiriira ku lug lahaanshihiisa kiiskii ceebta ahaa ee saxiibkiis.
Hadaba aqriste adigu sidee go’aankaas kula yahay?
Gool FM.