(Paris) 07 Maarso 2018 Xiddiga reer Brazil ee Neymar ayaa ka hadlay guul daradii xalay dhabarka loo saariyay kooxdiisa iyo waliba ka haridii ay ka hareen Champions League.
Real Madrid ayaa 3-1 uga soo adkaatay PSG kulankii lugta hore, waxayna xalay markale guul ku gaartay Faransiiska kadib markii ay ugu awood sheegatay 2-1.
Neymar oo dhaawac uga maqnaa xalay kooxdiisa ayaa fariin damqasho leh ugu soo qoray kooxdiisa bartiisa Twitter-ka, wuxuuna yiri:
“Aad ayaan uga murugaysanahay guul darada, waxaase iiga sii murug badan in aanan awoodin in asxaabtayda aan ku dhex caawiyo gudaha garoonka”.
“Waxa kaliya ee iga dhigaayo inaan faano ayaa ah dadaalkii ay soo bandhigeen dhamaan ciyaartoyda, hambalyo asxaabey, horay u soco Paris”.
Gool FM