(Paris) 18 Maarso 2018 Weerar yahanka kooxda Nice ee Mario Balotelli ayaa runta u sheegay kooxda PSG oo kooxdiisu ay la ciyaarayso galabta.
Mario Balotelli ayaa sheegay in PSG aysan waxba dhaamin kooxda ugu tababarta yar horyaalka Faransiiska ee Guingamp, wuxuuna intaa ku daray in lacag aan lagu noqon karin koox dhamaystiran.
Xiddiga reer talyaani oo hadalkiisa sii wata ayaa cadeeyay in PSG ay u qalantay guul daradii ka soo gaartay kooxda Real Madrid wareegii 16-ka ee koobka horyaalada yurub.
“Paris waxay la mid tahay kooxda Guingamp, waa koox ka ciyaarta horyaalka Faransiiska, waxba igama quseeyaan haddii ay tahay PSG, taasi ma samaynayso wax farqi ah” ayuu Balotelli u sheegay Canal+.
“Xiliciyaareed kaan marnaba ma daawan PSG, kaliya kulankii u danbeeyay ee Real Madrid ayaan daawaday, wayna u qalmeen guul darada”.
“Lacagtu waxay kuu ogolaanaysaa inaad soo iibsato ciyaartoy waa wayn, laakiin kuuma iibin karto koox dhan” ayuu sii raaciyay.
Gool FM