(Paris) 27 Maarso 2018 Halyeeyga reer Brazil ee Roberto Carlos ayaa si cad uga hadlay sababta dhabta ah ee Neymar uu uga tagay Barcelona xaggaagii hore.
Laacibkii hore ee Real Madrid ayaa sheegay in Neymar uu doonayay inuu ka hoos baxo Messi si uu u noqdo laacibka ugu fiican adduunka.
Wuxuuna intaa ku daray in Neymar marwalba uu ka danbaynayo Messi iyo Ronaldo oo uu ahaanayo laacibka 3-aad ee ugu fiican adduunka.
“Neymar go’aan fiican ayuu qaatay markii uu ka tagayay Barcelona oo uu ku biiray PSG, waayo wuxuu doonayay inuu noqdo laacibka ugu fiican adduunka” ayuu yiri Roberto Carlos.
“Waxaan rumaysanahay inuu ku qasbanaaday inuu ka tago Barca maadaama halkaas uu joogo Messi”.
“Neymar waxaa haboon inuu ogaado inuu ka danbeeyo Messi iyo Ronaldo, waa inuu ku qanacsanaadaa booska 3-aad” ayuu sii raaciyay.
Gool FM