(Paris) 25 Maarso 2018 Kooxda reer France ayaa ugu danbayntii ogolaatay inay iska iibiso Neymar kaas oo ay doonayso kooxda Real Madrid.
Sida ay baahisay Don Balon, PSG ayaa diyaar u ah inay iska dirto Neymar haddii Real Madrid ay bixinayso lacag dhan 400 milyan oo euro.
PSG ayaa doonaysa inay uga faa’idaysato qiimahaas bixinta lacagta looga leeyahay saxiixii Mbappe kaas oo ay Monaco kala soo wareegtay suuqii xaggaaga.
Sidoo kale, kooxda ayaa lacagtaas ku soo xerogalinaysa goolhayaha Atletico Madrid ee Jan Oblak kaas oo ku jira qaab ciyaareed aad u fiican.
Qorshaha 3-aad ee PSG ay ka damacsan tahay lacagta ay ka hesho Neymar ayaa ah in kooxdu ay hesho badalkiisa.
Waxaana diirada u saaran Cristiano Ronaldo, Antoine Griezmann, Eden Hazard, Mohamed Salah iyo Isco oo mid kood ay la soo wareegayso.
Gool FM