(Europe) 29 Maarso 2018. Kylian Mbappe ayaa sheegay inay howshu sahlan tahay mark aad la ciyaareyso Anthony Martial.
Labada weeraryahan ayaa wada ciyaaray kulankii saaxiibtinimo uu Faransiiska 3-1 uga adkaatay Ruushka talaadadii.
Martial ayaa kulanka saftay 58-daqiiqo kaddib markii uu ka soo kabtay dhaawac yar.
“Waan faraxsanahay, tan ugu muhiimsan waa inaan guuleysanay,” Mbappe ayaa sidaa yiri.
“Had iyo jeer way fiican tahay inaad Rikoodho jabiso, laakiin midaa ma raadinayo.
“Waxaan la ciyaaray ciyaartooy ay sahlan tahay in lala midoobo, way sahlan tahay in lala ciyaaro Ousmane Dembele iyo Anthony Martial.
“Waa inaan ku shaqeynaa isfahankeena, laakiin waxaan aaminsanahay inay ahayd bilow fiican.”.
Gool FM.