(Paris) 10 Maajo 2018. Waxaa la shaaciyey kooxda ugu fiican xilli ciyaareedka ee horyaalka Ligue 1 ama 11-ka xiddig ee ugu bandhigga fiicnaa kulamadii la ciyaaray horyaalka Faransiiska xilli ciyaareedkan gabagabada ah oo dhan.
Shabakadda ciyaaraha ee Goal.com ayaa shaacisay shaxdan ka kooban 11-ka ciyaaryahan oo ay u aragto inay yihiin kuwii ugu bandhigga fiicanaa xilli ciyaareedkan dhammaadka ah ee horyaalka Ligue 1, waxaana hoggaaminaya xiddigaha PSG ee Neymar Jr iyo Edinson Cavani.
Kooxda ku guuleysatay horyaalka Ligue 1 ee Paris Saint-Germain ayaa shaxdan ku yeelatay xiddigaha ugu badan, waxaana ay ku leedahay shan laacib.
Haddaba halkaan hoose ka eeg Shaxda kooxda ugu fiican xilli ciyaareedka ee horyaalka Ligue 1 oo ay soo saartay Goal.com:-
Goolhaye: Benjamin Lecomte
Difaacyada: Dani Alves, Marquinhos, Thiago Silva iyo Jerome Roussillon.
Khadka Dhexe: Luiz Gustavo, Tanguy Ndombele, Florian Thauvin iyo Nabil Fekir.
Weerarka: Neymar iyo Edinson Cavani.
Gool FM.