(Moscow) 16 Juunyo 2018 Zlatan Ibrahimovic ayaa weerar ku qaaday xiriirka kubadda cagta dalka France iyo waliba tababare Didier Deschamps.
Ibrahimovic ayaa layaab ku tilmaamay in xulka France ay ka soo tagaan weerar yahankooda cajiibka ah ee Karim Benzema.
Wuxuu sheegay in tababare Didier Deschamps uusan u qalmin inuu xulka hogaamiyo haddii go’aanka Benzema looga reebay xulka uusan ka soo fulin isaga.
Ka hor kulankii France iyo Australia ee galabta ayuu yiri Zlatan:
“France waxay la dhibtoonaysaa maqnaashaha Karim Benzema, go’aankii looga reebay xulka waa go’aan doqonimo ah”.
“Haddii xiriirka kubadda cagta France uu ka danbeeyo arinkaas tababaruhu uma qalmo inuu joogo waayo maba lahan wax ra’yi ah”.
Gool FM