(Moscow) 17 Luulyo 2018 Weerar yahanka xulka France iyo kooxda Chelsea ee Olivier Giroud ayaa ka hadlay eedeynta uu marwalba la kulmo.
Laacibka ayaa ciyaaray dhamaan 7-dii kulan ee xulka France uu ciyaaray koobka adduunka, balse hal shuud xitaa lama beegsan goolka.
Taageerayaasha xulka France ayaana si wayn u eedeeyay Olivier Giroud, waxayna codsadeen in aan la safin markale.
“Xirfadayda oo dhan dhaleeceyn ayaan la kulmayay, waxaa i soo maray waqtiyo adag, balse marwalba waan ka gudbayay” ayuu yiri Olivier Giroud.
“Eedeynta marwalba dhiirogalin ayaan ka qaadaa, waxaanan uga gudbaa waqtiyada adag, kubadda cagtu waa mid adag, taageerayaashana waxaa u muuqda kaliya dhankeeda qurxoon”.
“Si wayn ayaan ugu faanayaa inaan ku guulaystay koobka adduunka”.
Gool FM