(PSG) 17 Luulyo 2018. Luis Fernández oo agaasimaha dhanka tababarka kooxda PSG ayaa sheegay in xidigaha Kylian Mbappé iyo Neymar Jr aysan ka tagi doonin kooxda suuqan xagaaga.
Waxaa jiray dhawaanahan warar ku aadan in Real Madrid ay dooneyso in midkood labadan ciyaaryahan ay ka dhigato badalka Ronaldo.
Laakiin Fernández ayaa xaqiijiyay in labadan xidig aysan meelna kaga soconin kooxda Faransiiska.
“Neymar wuxuu go’aansaday inuu sii joogo Paris Saint-Germain, wuxuu doonayaa inuu ku guuleysto ka dib markii uu ku guuldareystay koobka aduunka, waxaan qabaa inuu doonayo inuu koobab kula guuleysto PSG”.
“Mbappé isna wuxuu doonayaa inuu sii joogo, wuxuuna sheegay in ay tahay 100%, wuxuu rabaa inuu kula guuleysto Champions League kooxda PSG”.
Gool FM.