(PSG) 11 Agoosto 2018. Ramón Calderón oo ka mid ah madaxweenayaasha soo martay kooxda Real Madrid ayaa si aan gambad lahayn u sheegay in Kylian Mbappé uu ka wanaagsan yahay Neymar.
Mbappé ayaa qaab ciyaareed wanaagsan kasoo sameeyay kulamadii uu kasoo muuqday koobka aduunka 2018, wuxuuna sabab u ahaa in xulka France uu ku guuleysto koobka, kadib mudo 20 sano, tan iyo sanadii 1998-dii.
“Mbappé wuxuu soo bandhigay qaab ciyaareed fiican xili ciyaareedkii lasoo dhaafay, wuxuu ka fiicnaa xitaa saaxiibkiis PSG Neymar Jr”.
“Wuxuu leeyahay xawaare aad u sareeya, iyo awood ciyaareed cajiib ah, sidaas darteed wuxuu ku qaab ciyaareed yahay weeraryahankii hore Brazil ee Ronaldo”.
“Loolanka ka dhexeeya Kylian Mbappé iyo Neymar waxay u wanaagsan tahay kooxda Paris St Germain”.
“Neymar waa ciyaaryahan aad u wanaagsan, lehna awood aad u sareysa, lakiin waa inuu bedelaa hab dhaqankiisa marka uu ku gudi jiro gudaha garoonka”.
Gool FM.