(Barcelona) 20 Agoosto 2018. Wargeyska “AS” ee dalka Spain ayaa wuxuu shaaca ka qaaday in la rajeenayo in kooxaha Paris St Germain iyo Barcelona ay wada gaaraan heshiis ku aadan dhanka suuqa kala iibsiga.
Laacibka khadka dhexe kooxda Paris St Germain ee Adrien Rabiot ayaa xiliydii lasoo dhaafay si weyn lala xiriirinayay u dhaqaaqista kooxda Barcelona inta lagu jiro suuqan xagaaga.
Wargeyska ayaa wuxuu hadalkiisa intaas kusii daray in Paris St Germain ay wali ku raad joogto sameynta saxiixyada xidigaha khadka dhexe kooxda Barcelona ee Busquets iyo Ivan Rakitić.
Si kastaba ha ahaatee wargeyska AS ayaa wuxuu xaqiijiyay in xiisaha PSG ay ka muujineyso saxiixyada labadan xidig ay ku qasbi doonto inay u ogolaato Adrien Rabiot u dhaqaaqista garoonka Cump Nou, maadaama adeegiisa ay xiiseeneyso kooxda reer Spain ee Barcelona.
Wargeyska ayaa intaa ku daray in Paris Saint-Germain ay suuragal tahay inay heshiis la gaarto Ivan Rakitić, si uu Adrien Rabiot isna ugu dhaqaaqo garoo Garoonka Cump Nou, maadaama uu laacibka reer France diiday inuu heshiiska u kordhiyo PSG.
Gool FM.