(Paris) 29 Agoosto 2018 Kooxda reer France ee PSG ayaa si dhaqso leh ugu dhaqaaqaysa soo xerogalinta laacibka kooxda Lazio ee Sergej Milinkovic Savic.
Xiddigaan 23 jirka ah ayaa diirada u saarnaa suuqa xaggaagan kooxaha Barcelona, Manchester United iyo Real Madrid.
TuttoSport ayaa daaha ka qaaday in agaasimaha ciyaaraha ee PSG uu la kulmayo wakiilka Sergej Milinkovic Savic si uu ugu qanciyo in laacibku uu u dhaqaaqo caasimada Faransiiska.
Kulanka ayaa la sheegay inuu ka dhici doono caasimada Faransiiska ee Paris, waxaana xusid mudan in Lazio ay ku doonayso laacibkaan 100 milyan oo euro.
Gool FM