(London) 22 Agoosto 2020. Waxaa la shaaciyey in Gabriel Magalhaes uu tijaabada caafimaadka u maray kooxda Arsenal, iyadoo u dhaqaaqistiisa garoonka Emirates ay dhammaadka ku dhowday.
Daafaca reer Brazil ee Gabriel Magalhaes ayaa la sheegayaa inuu ka gudbay tijaabada caafimaad ee Gunners, isagoo xagaagan u dhaqaaqaya garoonka Emirates.
Kooxda Arsenal ayaa xiriir fiican la leh naadiga reer France ee Lille, kaddib markii ay xagaagii la soo dhaafay kala soo wareegeen xiddiga garabka ka dheela ee Pepe.
Magalhaes ayaa sidoo kale la la xiriirinayey kooxaha Paris Saint Germain iyo Manchester City, inkastoo uu hadda u muuqday mid qarka u saaran inuu u dhaqaaqo garoonka Emirates, isla markaana uu ka hoos ciyaaro tababare Mikel Arteta.
Madaxweynaha kooxda Lille ee Gerard Lopez ayaa suxufiyiinta u xaqiijiyey isagoo ku sugan Faransiiska, in heshiis Magalhaes si rasmi ah loo soo gabagabayn doono bilowga todobaaadkaan.
22-sano jirkaan ayaa la filayaa inuu kooxda ka arrimisa garoonka Emirates qalinka ugu duugi doono heshiis waqti dheer oo shan sanadood ah.
Gool FM.