(Barcelona) 18 Maarso 2018 Neymar ayaa go’aan ku gaaray inuu isaga tago kooxdiisa haatan ee PSG oo uu ku biiray suuqii xaggaaga markaas oo uu ka dhaqaaqay Barcelona.
Xiddiga reer Brazil ayaa fahmi waayay nolosha magaalada Paris marka lala barbardhigo tii uu ku haystay dalka Spain 4-tii sano ee uu ku qaatay halkaas.
Shabakada Don Balon ee dalka Spain ayaa daaha ka qaaday in Lionel Messi uu ahaa laacibkii ugu horeeyay ee Neymar uu ku wargaliyay inuu ka tagayo PSG.
Xiriir aad u wanaagsan ayaa ka dhexeeya labada laacib, inkasta oo Neymar uu si xun uga tagay Barcelona, saaxiibkiis Messi ayuuna u sheegay inuusan la dhacsanayn Paris oo uu qorshaynayo inuu ka tago.
Neymar ayaa ka tagay Barcelona si uu uga baxo hooska Lionel Messi, balse xiddiga reer Argentina kama xumaan in saaxiibkiis uu ka shaqeeyo hormarkiisa.
Gool FM