(Paris) 19 Maarso 2018 Kabtanka kooxda PSG ee Thiago Silva ayaa ka hadlay wararka Neymar la xiriirinaya inuu ka tagayo kooxdiisa dhamaadka xiliciyaareed kaan.
Thiago Silva oo ay aad isugu dhawyihiin Neymar ayaa xaqiijiyay in laacibku uu diyaar u yahay inuu sii joogo kooxdiisa xiliciyaareedka dambe.
Waraysiga uu bixiyay Thiago Silva ayaa niyada u qaboojiyay taageerayaasha PSG maadaama uu yahay shaqsi aad ugu dhaw Neymar.
“Neymar heshiis ayuu kula jiraa PSG, waxaan rajaynaynaa inuu nala sii joogo, mashruuca Paris waa mid aad u awood badan xitaa haddii guushu ay qaadato xoogaa waqti ah, taasna waa wax iska dabiici ah” ayuu yiri kabtan Silva.
“Waan sii haysan doonaa Neymar, horamr wayn ayuu ka samaynayaa dhaawicii soo gaaray, waxaan rajaynayaa inuu nala sii joogo waayo waa uu na xoojinayaa, waan hubaa inuu sii joogi doono”.
Gool FM