(Nice) 19 Mar 2018. Laacibka Italy iyo Nice dhawaan wareysi uu bixiyey waxa uu ku amaanay Luis Suarez.
Kaddib kulankii ay la yeesheen PSG, Baloteli waxa uu tilmaamay bandhigyada Edison Cavani laakiin sidoo kale waxa uu amaanay Suarez kaas oo uu sheegay in uu si ka wanaagsan Leo Messi iyo Cristiano Ronaldo u ciyaarayo.
Baloteli waxa uu sheegay in uu Luis Suarez ka doorbidiyo Messi iyo Cristiano Ronaldo.
Sidoo kale waxa uu amaanay Cavani walow uu sheegay in uusan u fiicneyn sida Zlatan Ibrahimovic.
“Lacagta kuma siiso koox, waxa ay kuu ogolataa iin aad soo iibsato ciyaaryahanno wanaagsan, lakiin maya koox,” ayuu yiri Baloteli kaas oo ku tilmaamay Cavani weeraryahanka ugu wanaagsan Ligue 1-ka.
“Goolal badan ayuu dhaliyey labadii sano ee u dambeeysay. Xushmad badan ayaan u hayaa Cavani maxaa yeelay waa ciyaaryahan sare, laakiin Ibrahimovic kulamo ka yar ayuu dheelay. Isma bar bar dhigi kartid Zlatan iyo Cavani, Zlatan waa sheeko dhinac kale ah.
Mar wax laga weydiiayey PSG, laacibkii hore ee Inter Milan, Manchester City iyo Liverpool waxa uu yiri: “Daacaddii wax badan kama arkin PSG xilli ciyaareedkan marka laga reebo kulamadii Real Madrid. In laga badiyo ayey u qalmeen, Madrid ayaa ka miro dhalin wanaagsaeyn oo si ka fiican u dheeshay.”
Gool FM.