(Paris) 19 Luulyo 2018 Kooxda reer France ayaa go’aamisay mustaqbalka Kylian Mbappe iyo Neymar oo labaduba lala xiriirinayo kooxda Real Madrid.
Mundo Deportivo ayaa daaha ka qaaday in kooxda PSG ay go’aamisay inay iska iibiso Neymar kaas oo diirada u saaran Real Madrid.
Maamulka PSG ayaa isku raacay in aan la aqbali doonin wax ka yar 200 milyan oo euro in laacibku uu uga tago caasimada Faransiiska.
Maamulka ayaana isku raacay in Mbappe uu yahay laacib lama taabtaan ah maadaama uu leeyahay tilmaan aysan lahayn ciyaartoyda da’diisa ah.
Go’aan kaan ka soo baxay PSG ayaa wadada u furaya Real Madrid oo diyaar u ah inay la wareegto xiddiga reer Brazil.
Gool FM