(Paris) 19 Luulyo 2018 Goolhayaha kooxda AC.Milan ee Gianluigi Donnarumma ayaa ku sii jeeda kooxda PSG sida uu baahiyay Sky Italia.
19 jirkaan ayaa go’aansaday inuu isaga tago kooxdiisa suuqa xaggaagan kadib markii laga ganaaxay koobabka yurub muddo dhan 2-sano.
Maamulka PSG ayaa u arka goolhaye Gianluigi Donnarumma badalka ku haboon ee Alphonse Areola kaas oo la filayo inuu ka tago kooxda reer France.
Alphonse Areola ayaa ku sii jeeda Roma si uu badal ugu noqdo goolhaye Alisson Becker oo ku biiraya Liverpool.
Waxaa xusid mudan in Roma ay iska diiday saxiixa Donnarumma maadaama aysan awoodin qarashkiisa, goolhayaha ayaana ku biiraya PSG halkaas oo uu kula midoobayo Buffon.
Gool FM